லயோலா கல்லுாரி நிறுவனர் 'பெர்ட்ரம்' நினைவு கோப்பைக்கான விளையாட்டு போட்டிகள், 90வது ஆண்டாக, நுங்கம்பாக்கத்தில் உள்ள கல்லுாரி வளாகத்தில், நேற்று துவங்கின.

இதில், பள்ளிகளுக்கு இடையிலான பால் பேட்மின்டன், வாலிபால் மற்றும் கூடைப்பந்து; கல்லுாரிகளுக்கு இடையிலான கபடி, டென்னிஸ், கோ - கோ, வாலிபால், செஸ், கூடைப்பந்து உள்ளிட்ட போட்டிகள், இருபாலருக்கும் நடக்கின்றன. போட்டிகளில் சென்னை உட்பட பல்வேறு பகுதிகளில் இருந்து, ஏராளமான பள்ளி மற்றும் கல்லுாரி மாணவ, மாணவியர் பங்கேற்றுள்ளனர்.

முதல் நாளான நேற்று, கல்லுாரிகளுக்கு இடையிலான டென்னிஸ் போட்டியும், பள்ளிகளுக்கு இடையிலான பால் பேட்மின்டன் போட்டியும் நடத்தப்பட்டன.