இதற்கான ஒப்பந்த அடிப்படையில், வீட்டில் அடிப்படை வசதிகளை கட்டுமான நிறுவனம் முறையாக முடித்துக் கொடுக்கவில்லை.

இது குறித்த வழக்கை, 2021ல் விசாரித்த ஆணையம், பணி நிறைவு சான்றிதழை ஒப்படைக்க வேண்டும், 5 லட்சம் ரூபாய் வைப்பு நிதியை கொடுக்க வேண்டும் என்பது உள்ளிட்ட உத்தரவுகளை பிறப்பித்தது.

இந்த உத்தரவை, சம்பந்தப்பட்ட கட்டுமான நிறுவனம் செயல்படுத்தவில்லை எனக் கூறப்படுகிறது. இது தொடர்பான மனுவை விசாரித்த ரியல் எஸ்டேட் ஆணையம் பிறப்பித்த உத்தரவு:

பணி நிறைவு சான்றிதழை அளிக்காதது, அடிப்படை வசதிகளுக்கான இணைப்பின்றி வீட்டை ஒப்படைத்தது போன்ற குற்றச்சாட்டுகள் அப்படியே உள்ளன.

இதில், 5 லட்சம் ரூபாய் வைப்பு நிதி செலுத்த வேண்டும் என்பது உள்ளிட்ட உத்தரவுகளை, கட்டுமான நிறுவனம் செயல்படுத்தவில்லை.

எனவே, ரியல் எஸ்டேட் சட்ட விதிகளின் அடிப்படையில், அந்த கட்டுமான நிறுவனத்திற்கு, 1 லட்சம் ரூபாய் அபராதம் விதிக்கப்படுகிறது. மேலும், இந்த குறிப்பிட்ட நிறுவனம் மீது, ரியல் எஸ்டேட் ஆணைய ஆலோசகர் வாயிலாக கிரிமினல் புகார் அளிக்கப்படும்.

இவ்வாறு அதில் கூறப்பட்டுள்ளது.