இந்த நிலையில், வாக்காளர்களுக்கு கொடுப்பதற்காக அவரது வீட்டில் பணம் பதுக்கி வைத்திருப்பதாக, மாதவரம் சட்டசபை தொகுதி பறக்கும் படை அதிகாரிகளுக்கு தகவல் கிடைத்தது. அதையடுத்து, நேற்று மதியம், 3:15 மணி அளவில், பறக்கும் படையினர், செங்குன்றம் போலீசாருடன் சென்று, திடீர் சோதனையில் ஈடுபட்டனர். அங்கு, ஒரு மணி நேரம் நடந்த சோதனையில் பணம், பரிசு பொருட்கள் என எதுவும் கிடைக்கவில்லை. மாலை, 4:15 மணி அளவில் , பறக்கும் படையினர் அங்கிருந்து சென்றனர்.