போட்டிகள், கீழ்ப்பாக்கம், கோல சரஸ்வதி வைணவ மேல்நிலைப்பள்ளி, அரும்பாக்கம் டி.ஜி., வைஷ்ணவ கல்லூரி, நேரு பூங்கா விளையாட்டுத் திடல் ஆகிய இடங்களில் நடக்கின்றன.

நேற்று, அரும்பாக்கத்தில், இருபாலருக்கான கோ - கோ போட்டிகள் நடந்தன. அதில் சிறுவர்களுக்கான முதல் அரையிறுதியில், விருகம்பாக்கம் ஆவிச்சி பள்ளி, 9 - 5 என்ற கணக்கில், முகப்பேர் வேலம்மாள் மேற்கு பள்ளியை தோற்கடித்தது.

மற்றொரு அரையிறுதியில், முகப்பேர் வேலம்மாள் மெயின் பள்ளி, 12 - 11 என்ற கணக்கில் ராயபுரம் பி.ஏ.கே., பழனிசாமி பள்ளியை வீழ்த்தியது.

விறுவிறுப்பான இறுதி போட்டியில் முகப்பேர் வேலம்மாள் மெயின் பள்ளி மற்றும் விருகம்பாக்கம் ஆவிச்சி பள்ளிகள் மோதின.

அதில், வேலம்மாள் மெயின் பள்ளி, 14 - 13 என்ற ஒரு புள்ளி வித்தியாசத்தில், ஆவிச்சி பள்ளியை தோற்கடித்து வெற்றி பெற்று 'சாம்பியன்' கோப்பையை வென்றது.

பெண்களுக்கான அரையிறுதியில், கோல சரஸ்வதி அணி, 9 - 4 என்ற கணக்கில் ஆலப்பாக்கம் வேலம்மாள் பள்ளியையும்; வேலம்மாள் மெயின் பள்ளி 9 - 3 என்ற கணக்கில் வேலம்மாள் மேற்கு பள்ளியை வீழ்த்தின.

வேலம்மாள் மெயின் பள்ளி மற்றும் கோல சரஸ்வதி பள்ளிகளுக்கு இடையிலான இறுதிப் போட்டி, கீழ்ப்பாக்கத்தில் இன்று நடக்கிறது.