எனவே, இந்த பகுதியில் புதிதாக சாலை அமைக்க வேண்டும் என, வாகன ஓட்டிகள் கோரிக்கை விடுத்து வந்தனர்.

இதையடுத்து, மாமண்டூர் பாலாற்று பாலம் அருகே, புதிதாக சாலை அமைக்கும் பணி நடக்கிறது. முதற்கட்டமாக திருச்சி மார்க்கத்தில் பணிகள் நடக்கின்றன.

இதன் காரணமாக, சென்னை மற்றும் புறநகர் பகுதிகளில் இருந்து தென்மாவட்டங்களுக்கு செல்லும் வாகனங்கள், இருங்குன்றம்பள்ளியில் இருந்து மாமண்டூர் வரை எதிர்திசையில் திருப்பி விடப்பட்டு உள்ளன.

நேற்று மாலை ஜி.எஸ்.டி., சாலையில் மாமண்டூரில் இருந்து பழவேலி வரை, 4 கி.மீ., துாரம் கடும் போக்குவரத்து நெரிசல் ஏற்பட்டது. அரசு பேருந்துகள், பள்ளி வாகனங்கள் உள்ளிட்டவை நெரிசலில் சிக்கின.