சென்னை மாவட்ட அளவிலான போட்டிகள், எழும்பூர் ராதாகிருஷ்ணன் ஹாக்கி அரங்கில் நேற்று துவங்கின.

அவற்றில், டான்பாஸ்கோ, ஐ.சி.எப்., - செயின்ட் பால்ஸ், தி இந்து, அஞ்சுமன் உள்ளிட்ட ஆறு அணிகள் இரு பிரிவுகளாக பிரிக்கப்பட்டு போட்டிகள் நடக்கின்றன.

நேற்று காலை நடந்த போட்டியில், செயின்ட் பால்ஸ் பள்ளி அணி, 8 - 0 என்ற கோல் கணக்கில் தி இந்து பள்ளியை தோற்கடித்தது.

மற்றொரு போட்டியில், ஐ.சி.எப்., மற்றும் அஞ்சுமன் அணிகள் மோதின. அதில், 6- 0 என்ற கணக்கில் ஐ.சி.எப்., பள்ளி வெற்றி பெற்றது.

தி இந்து பள்ளி மற்றும் மதரஸா ஆசம் பள்ளிகளுக்கு இடையிலான ஆட்டத்தில், 5 - 0 என்ற கணக்கில் மதரஸா ஆசம் பள்ளி வெற்றி பெற்றது. செயின்ட் ஜோசப் பள்ளி, 3 - 1 என்ற கோல் கணக்கில் மறைமலர்நகர் பள்ளியை வீழ்த்தியது. போட்டிகள் தொடர்ந்து நடக்கின்றன.