இந்திய வீரர்களுக்கு சர்வதேச மாஸ்டராக அங்கீகாரம் கிடைக்க, ஐ.எம்., நார்ம் க்ளோஸ்ட்டு சர்க்யூட் செஸ் போட்டியை, தமிழ்நாடு மாநில செஸ் சங்கம் சென்னையில் நடத்தி வருகிறது.

தற்போது நான்காம் கட்ட போட்டி, போரூரில் உள்ள தனியார் ஹோட்டலில் நடக்கிறது.

இதில், நான்கு தமிழக வீரர்கள் உட்பட 10 வெளிநாட்டு வீரர்கள், ரவுண்ட் ராபின் முறையில் மோதி வருகின்றனர். நேற்று, மூன்று மற்றும் நான்காம் சுற்றுகள் நடந்தன. நான்காம் சுற்றில், ரஷ்யாவின் டேவிட், ஸ்லோவாக்கியாவின் மானிக் மிலுலாஸூடன் மோதி 'டிரா' செய்து, 3.5 புள்ளிகளில் தன் முன்னிலையை தக்க வைத்தார்.

மற்றொரு போட்டியில், தமிழகத்தின் குணால், ரஷ்யாவின் அலெக்சாண்டரை வீழ்த்தி, 3 புள்ளிகளில் இரண்டாம் இடத்தில் உள்ளார்.

மானிக் மிகுலாஸ் மற்றும் தமிழகத்தின் சுரேந்திரன் தலா 2.5 புள்ளிகளிலும், ரஷ்யாவின் அலெக்சாண்டர் இரண்டு புள்ளிகளிலும் உள்ளனர்.

இன்று, ஐந்து மற்றும் ஆறாவது சுற்று போட்டிகள் நடக்கின்றன.