மொத்தம் 11 பிரிவுகளில், தலா ஒன்பது அணிகள் பங்கேற்றுள்ளன. குழுவில், தலா ஒவ்வொரு அணியும், எட்டு போட்டிகள் வீதம் லீக் மற்றும் நாக் அவுட் முறையில் மோதி வருகின்றன.

நேற்று முன்தினம், சேத்துப்பட்டு எம்.சி.சி., பள்ளியில் 'ஜி' குரூப்புக்கான கடைசி 'நாக் அவுட்' போட்டியில், கார்ப்பரேட் ஆசிஸ் மற்றும் யங் சி.சி., அணிகள் மோதின.

'டாஸ்' வென்ற யங் சி.சி., அணி முதலில் பேட்டிங் செய்து, 19.2 ஓவர்களில் ஆல் அவுட் ஆகி, 117 ரன்களை அடித்தது. அணியின் வீரர் லோகேஷ் 38 பந்துகளில் மூன்று சிக்சர், ஆறு பவுண்டரியுடன் 59 ரன்களை அடித்தார்.

அடுத்து பேட் செய்த, கார்ப்பரேட் ஆசிஸ் அணி, 16.5 ஓவர்களில், ஐந்து விக்கெட் இழந்து, 120 ரன்களை அடித்து வெற்றி பெற்றது. இந்த வெற்றியால், இக்குழு இறுதிப் போட்டிக்கு தகுதி பெற்றது.