இப்போட்டியில், சென்னை, அரும்பாக்கம் டி.ஜி.வைஷ்ணவ் கல்லுாரி அணி, தன் முதல் ஆட்டத்தில் சென்னை லயோலா கல்லுாரியை 25 - -23, 25 - -22 என்ற கணக்கில் வென்றது. அடுத்த ஆட்டத்தில் தமிழக போலீஸ் அணியை 25 - -22, 25 - -20 என்ற கணக்கில் வென்றது.

சாம்பியன் கோப்பையை நிர்ணயிக்கும் இறுதி லீக் ஆட்டத்தில், கேரள மாநிலம் செயின்ட் ஜார்ஜ் கல்லுாரியை எதிர்த்து களமிறங்கிய டி.ஜி.வைஷ்ணவ் கல்லுாரி அணி வீரர்கள், முதல் செட்டை 22 - -25 என்ற கணக்கில் இழந்தனர்.

சுதாரித்து, அடுத்தடுத்த செட்களில் ஆக்ரோஷமான ஆட்டத்தை வெளிப்படுத்திய டி.ஜி.வைஷ்ணவ் மாணவர்கள், 25 - -11, 25- - 16 என்ற கணக்கில் கைப்பற்றி, சாம்பியன் கோப்பையை வென்றனர்.