'மாநகர போக்குவரத்து கழகம் சார்பில் கூடுதல் பேருந்துகள் இயக்கப்பட்டாலும், போதுமானவையாக இல்லை. சிறப்பு பேருந்து எனக்கூறி வழக்கமான கட்டணத்தை விட, கூடுதலாக 5 - 7 ரூபாய் அதிகமாக வசூலிக்கின்றனர்' என, பேருந்து பயணியர் குற்றம்சாட்டினர்.

'மறைமலைநகர், பொத்தேரி, கூடுவாஞ்சேரி, வண்டலுார், தாம்பரம், குரோம்பேட்டை, பல்லாவரம், கிண்டி வழியாக பிராட்வேக்கு வழக்கமாக செல்லும் மாநகர பேருந்துகளோடு, கூடுதலாக 70 பேருந்துகள் இயக்கப்பட்டு வருகின்றன. இதனால், 25 ஆயிரம் முதல் 30 ஆயிரம் பேர், கூடுதலாக பயணம் செய்கின்றனர். சிறப்பு பேருந்துகளில் கூடுதல் கட்டணம் வசூலிக்க உத்தரவிடவில்லை. கூடுதல் கட்டணம் வசூலித்தால் நடவடிக்கை எடுக்கப்படும்' என,மாநகர போக்குவரத்து கழக அதிகாரிகள் கூறினர்.