அதில், ஒடிசாவைச் சேர்ந்த பட்டு குளோரி, 40, அக்ரம் பத்ரா, 28, என்பது தெரியவந்தது. அவர்களது உடைமைகளை சோதனை செய்ததில், 10.40 லட்சம் ரூபாய் மதிப்பிலான 104 கிலோ கஞ்சா சிக்கியது. மேலும், ஒடிசாவில் இருந்து கஞ்சாவை கடத்தி வந்து, தாம்பரம் மற்றும் சுற்று வட்டார பகுதிகளில், கல்லுாரி மாணவர்கள் மற்றும் சில்லரை வியாபாரிகளுக்கு விற்பனை செய்து வந்ததும் தெரியவந்தது. இதையடுத்து, கஞ்சாவை பறிமுதல் செய்த மதுவிலக்கு பிரிவு போலீசார், இருவரையும் கைது செய்து, சிறையில் அடைத்தனர்.