சென்னை மாவட்ட கேரம் சங்க ஆதரவில், ஒய்.எம்.சி.ஏ., மெட்ராஸ் சார்பில், சென்னை மாவட்ட அளவிலான கேரம் போட்டி, பிராட்வேயில் உள்ள மையத்தில் நடக்கிறது.

சீனியர் ஆண்கள், சீனியர் பெண்கள், பதக்கம் அல்லாத பிரிவு மற்றும் 14 வயதுக்கு உட்பட்ட சப் - ஜூனியர் பிரிவுகளில், தனித்தனியாக போட்டிகள் நடக்கின்றன.

ஒவ்வொரு பிரிவிலும் கடும் போட்டி நிலவியது. குறிப்பாக சப் - ஜூனியர் பிரிவில், சிறுவர் - சிறுமியர் தங்கள் துல்லியமான, 'கட், ரீபவுண்டு' அடிகளால், பார்வையாளர்களை ஆச்சரியத்தில் ஆழ்த்தினர்.

இதில், சென்னை மாவட்டத்தைச் சேர்ந்த 465 வீரர் - வீராங்கனையர் பங்கேற்றுள்ளனர். இன்று நடக்க உள்ள அரையிறுதி மற்றும் இறுதிப்போட்டிகள், மேலும் பரபரப்பை ஏற்படுத்தும் என எதிர்பார்க்கப்படுகிறது.