சென்னை மண்டல அளவில், பாலிடெக்னிக் கல்லுாரிகள் இடையேயான விளையாட்டு போட்டிகளை, சி.பி.சி.எல்., பாலிடெக்னிக் கல்லுாரி நடத்தி வருகிறது.

அதன்படி, ஹாக்கி இறுதி போட்டி நேற்று, மணலி, அம்பேத்கர் விளையாட்டு திடலில் நடந்தது. இதில், ஆவடி முருகப்பா பாலிடெக்னிக் கல்லுாரியுடன் - சி.பி.சி.எல்., பாலிடெக்னிக் கல்லுாரி மோதியது.

இதில், 2 - 0 என்ற புள்ளிக் கணக்கில், சி.பி.சி.எல்., பாலிடெக்னிக் கல்லுாரி வெற்றி பெற்று முதலிடம் பிடித்தது.

வெற்றி பெற்ற அணிக்கு, கல்லுாரி முதல்வர் லட்சுமி நாராயணன், மணலி - சின்னசேக்காடு அரசு உயர்நிலைப் பள்ளி தலைமை ஆசிரியர் உஷா, ஹாக்கி பயிற்றுநர் லுாயிஸ் ஆகியோர், கோப்பை மற்றும் சான்றிதழ் வழங்கி பாராட்டினர்.

வெற்றி பெற்ற அணி, மாநில அளவிலான போட்டிக்கு தேர்வாகியுள்ளது.