'நியூ பிரின்ஸ்' கல்வி குழுமம் சார்பில், மாநில அளவில் பள்ளிகளுக்கு இடையேயான 2வது செஸ் போட்டி, சென்னை, சந்தோஷபுரத்தில் கடந்த 11ம் தேதி நடந்தது. இதில், சர்வதேச தரம் வாய்ந்த 25 வீரர்கள் உட்பட 400க்கும் மேற்பட்ட மாணவ - மாணவியர் பங்கேற்றனர். வெற்றி பெற்றவர்களுக்கு, நியூ பிரின்ஸ் குழும தலைவர் லோகநாதன், துணை தலைவர் நவீன் பிரசாத் பரிசுகள் வழங்கினர். அவர்களுடன் கல்லுாரி இயக்குனர் சுவாமி நாதன், முதல்வர் சரவணன், உடற்கல்வி ஆசிரியர் மணிகண்டன் பங்கேற்றனர்.