சென்னை எம்.ஜி.ஆர்., நகர், மாணிக்கம்வாசகம் தெருவைச் சேர்ந்தவர் சிவகுமார், 38; தனியார் நிறுவன ஊழியர். இவரது மனைவி அருணா, 30. இவர்களுக்கு, பிரிதிவினி, 5, ஹரிவர்தினி, 2 ஆகிய இரு மகள்கள் உள்ளனர்.

நேற்று முன்தினம் இரவு, வீட்டில் அனைவரும் இருந்தபோது, ஹரிவர்தினி முந்திரி சாப்பிட்டுக் கொண்டிருந்ததாக தெரிகிறது. சில நிமிடங்களில் குழந்தைக்கு திடீரென மூச்சுத் திணறல் ஏற்பட்டுள்ளது.

நிலைமை கவலைக்கிடமாக மாறியதால், பெற்றோர் அவசரமாக குழந்தையை, கே.கே.நகர் இ.எஸ்.ஐ., மருத்துவமனைக்கு கொண்டு சென்றனர். அங்கு, மருத்துவ பரிசோதனையில் குழந்தை இறந்தது தெரிய வந்தது. இது குறித்து எம்.ஜி.ஆர்., நகர் போலீசார் விசாரிக்கின்றனர்.