கோயம்பேடு பேருந்து நிலையத்தில், போலீசார் நேற்று முன்தினம் கண்காணிப்பு பணியில் ஈடுபட்டிருந்தனர். அப்போது, சந்தேகத்திற்கு இடமாக நின்று கொண்டிருந்த இருவரை பிடித்து விசாரித்ததில், அவர்கள் முன்னுக்கு பின் முரணாக பதில் அளித்தனர்.

இதையடுத்து, அவர்களது உடைமைகளை சோதனை செய்ததில், 3 கிராம் எடையிலான மெத் ஆம்பெட்டமைன் போதைப் பொருள் வைத்திருந்தது தெரியவந்தது.

தொடர்ந்து, போதைப் பொருள் வைத்திருந்த, மேற்கு மாம்பலத்தைச் சேர்ந்த தொல்காப்பியன், 20, அசோக் நகரைச் சேர்ந்த கார்த்திக்கேயா, 24, ஆகிய இருவரையும் கைது செய்து, 3 கிராம் மெத் ஆம்பெட்டமைன், ஐ - போன் உட்பட இரண்டு மொபைல் போன்களை பறிமுதல் செய்தனர்.

கைதானவர்கள் அளித்த தகவலின் படி ேமலும் 5 பேர் கைது செய்யப்பட்டனர்.