'புட்வா' புயல் காரணமாக, கடந்த வாரம் சென்னையில் ஐந்து நாட்களாக இடைவிடாமல் மழை கொட்டித்தீர்த்தது. இதனால், காசிமேடு மீன்பிடி துறைமுகத்தின் பழைய மீன்பிடி வார்ப்பு தளத்தில், குப்பை, பிளாஸ்டிக், தெர்மகோல், மரக்கழிவுகள் உள்ளிட்டவை அடித்து வரப்பட்டு, டன் கணக்கில் குவிந்துள்ளன.

ஒரு வாரமாகியும் அவை அகற்றப்படாததால், அப்பகுதியில் சுகாதார சீர்கேடு ஏற்பட்டுள்ளது. குப்பை கழிவுகளை, மீன்வளத்துறை அதிகாரிகள் உடனடியாக அகற்ற வேண்டும் என, மீனவர்கள் கோரிக்கை விடுத்துள்ளனர்.