உடல், மன வலிமையை அதிகப்படுத்தும் வகையில், சத்யானந்த யோகா மையத்தின் சன்யாசி கிருஷ்ண யோகம் சார்பில், இலவச யோகா வகுப்புகள், பல பகுதிகளில் நடத்தப்பட்டு வருகின்றன.

அதன் ஒரு பகுதியாக, நங்கநல்லுார், லட்சுமி நகர் பிரதான சாலையில் உள்ள சுதர்ஷன் டேரஸ் ஹாலில் 6ம் தேதியும்; வேளச்சேரி, திருவீதி அம்மன் கோவில் தெருவில் வரும் 7ம் தேதியும்; கே.கே., நகர்., பொன்னம்பலம் சாலை, அய்யப்பன் கோவிலில், வரும் 8ம் தேதியும் இலவச யோகா வகுப்புகள் துவங்கி, நான்கு வாரங்கள் நடத்தப்படுகிறன.

பீகார் யோகா பள்ளியால் ஆசனம், பிரணாயாமம், ஐம்புலன் அடக்கம் எனும் பிரத்தியாகாரம், தாரணாமந்திரம், உணவு பழக்கவழக்கம், உடல் உள்ளுறுப்புகளை பாதுகாத்தல் எனும் ஷட்கிரியைகள் உள்ளிட்ட பயிற்சிகள் அளிக்கப்படவுள்ளன.

இப்பயிற்சி வகுப்புகள், வார நாட்களில், தினமும் காலை 5:30 மணி முதல் 7:00 மணி வரை நடத்தப்படுகிறது. விபரங்களுக்கு, 94450 51015 என்ற மொபைல் போன் எண்ணில் தொடர்பு கொள்ளலாம்.