காவல் துறை வெளியிட்டுள்ள செய்திக்குறிப்பு:

சுதந்திர தின விழா ஒத்திகை நிகழ்ச்சி நடக்கும் நாட்களில், காலை 6:00 மணி முதல் ஒத்திகை முடியும் வரை, மெரினாவில் போக்குவரத்து மாற்றம் செய்யப்படும்.

* உழைப்பாளர் சிலை முதல் ரிசர்வ் வங்கி சுரங்கப்பாதை வரையிலான காமராஜர் சாலை, ராஜாஜி சாலை மற்றும் கொடி மரச்சாலைகளில், போக்குவரத்து முற்றிலும் தடை செய்யப்படும்

* காமராஜர் சாலையில் இருந்து ராஜாஜி சாலை வழியாக பாரிமுனையை நோக்கி செல்லும் அனைத்து வாகனங்களும், உழைப்பாளர் சிலையிலிருந்து வாலாஜா சாலை - அண்ணாசாலை - முத்துசாமி பாலம் வழியாக பாரிமுனைக்கு செல்லலாம்.

* அண்ணா சாலையில் இருந்து பாரீஸ் கார்னர் நோக்கிச் செல்லும் வாகனங்கள், முத்துசாமி பாலம், முத்துசாமி சாலை, ராஜா அண்ணாமலை மன்றம், வடக்கு கோட்டை பக்க சாலை வழியாக பாரீஸ் கார்னர் செல்லலாம்.

* ராஜாஜி சாலையில் இருந்து காமராஜர் சாலைக்கு செல்ல, பாரிமுனை, வடக்கு கோட்டை பக்க சாலை, முத்துசாமி சாலை, முத்துசாமி பாலம், அண்ணாசாலை, வாலாஜா சாலை வழியாக காமராஜர் சாலையை அடையலாம்.

இவ்வாறு அதில் தெரிவிக்கப்பட்டு உள்ளது.