ஹிந்து சமய அறநிலையத்துறை கட்டுப்பாட்டில், வில்லிவாக்கம், பிள்ளையார் கோவில் தெருவில், வரசித்தி விநாயகர் கோவில் உள்ளது.

இக்கோவிலில், கடந்த 25ம் தேதி, விக்னேஷ்வர பூஜை, கணபதி ஹோமம், முதல் கால பூஜையுடன், கும்பாபிஷேக விழா துவங்கியது.

தொடர்ந்து, நேற்று காலை 8:00 மணிக்கு மேளதாளங்கள் முழங்க கலசம் புறப்பட்டு, புனித நீர் ஊற்றி கும்பாபிஷேகம் நடந்தது. இரவு 7:30 மணிக்கு, சுவாமி திருவீதி புறப்பாடும் நடந்தது. விழாவில், ஏராளமான பக்தர்கள் பங்கேற்று சுவாமியை வழிபட்டனர்.