புழல்,: புழல் சிறையில் சனிக்கிழமை தோறும் கைதிகளை சந்திக்க வழக்கறிஞர்களுக்கு நேரம் ஒதுக்கப்படும். தற்போது ஒருநாள் முன்னதாக ஆன்லைனில் பதிவு செய்து, ஐந்து கைதிகளை சந்திக்க சிறை நிர்வாகம் அனுமதியளிக்கிறது. இதற்கு முன் ஒரே நேரத்தில் 10 கைதிகளை சந்திக்க சிறைத்துறை அனுமதியளித்தது. இதை மீண்டும் கொண்டு வர கோரியும், சிறைக்கு வெளியே அடிப்படை வசதிகளும் இல்லாததை சுட்டிக்காட்டியும், நேற்று 30க்கும் மேற்பட்ட வழக்கறிஞர்கள், சிறை முன் திடீர் முற்றுகை போராட்டம் நடத்தினர்.