சென்னையில் உள்ள, 'புளூ ஸ்கை கிரிக்கெட் அகாடமி' சார்பில், குரு ராகவேந்திரா சுவாமி 'லீக் கம் நாக் அவுட் டிராபி'க் கான கிரிக்கெட் போட்டிகள், சேத்துப்பட்டு மற்றும் முகப்பேரில் நடந்து வருகிறது.

இதில், ஒன்பது அணிகள் பங்கேற்று, ஒவ்வொரு அணியும் தலா எட்டு போட்டிகள் வீதம், 'லீக்' முறையில் மோதி வருகின்றன. நேற்று முன்தினம் முகப்பேரில் உள்ள தனியார் கல்லுாரி வளாகத்தில் நடந்த 'லீக்' போட்டியில், மேகி சி.சி., மற்றும் சாகுல் காயிஸ் அணிகள் எதிர்கொண்டன.

'டாஸ்' வென்ற மேகி சி.சி., அணி முதலில் பேட்டிங் செய்து, நிர்ணயிக்கப்பட்ட 20 ஓவர்களில், 6 விக்கெட் இழப்புக்கு, 190 ரன்களை அடித்து விளாசியது. அடுத்து களமிறங்கிய, சாகுல் காயிஸ் அணி, 15.2 ஓவர்களில் மூன்று விக்கெட் மட்டும் இழந்து, 191 ரன்களை அடித்து, ஏழு விக்கெட் வித்தியாசத்தில் வெற்றி பெற்றது.

சாகுல் காயிஸ் வீரர் பஹாத், 36 பந்துகளில் 13 சிக்சர், 9 பவுண்டரியுடன், 120 ரன்களை அடித்தார். போட்டிகள் தொடர்கின்றன.