ஆக்கிரமிப்பில் சிக்கி உள்ள கோவில் நிலங்களை மீட்கக்கோரி, அனைத்து ஹிந்து திருக்கோவில்கள் பாதுகாப்பு கூட்டமைப்பு அறக்கட்டளையின் 101 பேர் இணைந்து, ஹிந்து சமய அறநிலைய துறை கமிஷனருக்கு, எம்.கே.பி.நகர் தபால் நிலையத்தில் தனித்தனியாக கடிதம் அனுப்பினர்.

அதில் கூறப்பட்டு உள்ளதாவது:

அனைத்து ஹிந்து திருக்கோவில்கள் பாதுகாப்பு கூட்டமைப்பு அறக்கட்டளை சார்பில், கடந்த மூன்று ஆண்டுகளாக கள ஆய்வுகள் மேற்கொள்ளப்பட்டன.

அதில், பொன்னேரி, மேலுார் திருமணங்கீஸ்வரர் கோவிலுக்கு சொந்தமான 71 ஏக்கர் நிலம், தம்பு செட்டி தெரு, ஸ்ரீகாளிம்காம்பாள் கோவிலுக்கு சொந்தமான 3 ஏக்கர் 18 சென்ட் உள்ளிட்ட நிலங்கள் ஆக்கிரமிப்பில் உள்ளது, கள ஆய்வில் தெரிய வந்தது.

எனவே நிலங்களை மீட்டெடுத்து பொதுமக்கள் பயன்பெற நடவடிக்கை எடுக்க வேண்டும்.

இவ்வாறு மனுவில் தெரிவிக்கப்பட்டுள்ளது.