அதைத்தொடர்ந்து, திருவள்ளூர் மாவட்டத்திற்கு, ஆவடி அடுத்த பட்டாபிராம் தனியார் கல்லுாரியில் அமைச்சர் நாசர் தலைமையில் விழா நேற்று நடந்தது.

'புதுப்பெண்' திட்டத்தின் கீழ், மாணவ - மாணவியர் மாதந்தோறும் 1,000 ரூபாய் எடுத்து பயனுறும் வகையில், வங்கி பற்று அட்டையை அமைச்சர் நாசர் வழங்கினார்.

திருவள்ளூர் மாவட்டத்தில், 2024 - 25ம் நிதியாண்டில் 8,571 மாணவியருக்கு மாதந்தோறும் 1,000 ரூபாய் வழங்கப்பட்டு வருகிறது.

'தமிழ் புதல்வன்' திட்டத்தின் கீழ், திருவள்ளூரில் ஆறாம் வகுப்பு முதல் பிளஸ் 2 வரை, அரசு உதவிபெறும் பள்ளிகளில், 8,189 மாணவர்களுக்கு மாதந்தோறும் 1,000 ரூபாய் உதவித்தொகை வழங்கப்பட்டு வருகிறது. இதில், நேற்று நடந்த நிகழ்ச்சியில், மேலும் 360 மாணவியருக்கு வங்கி பற்று அட்டை வழங்கப்பட்டது.

நிகழ்ச்சியில் அமைச்சர்நாசர் பேசுகையில், ''மாதந்தோறும்,17,120 மாணவ - மாணவியருக்கு 1,000 ரூபாய் வழங்குவதற்காக, தமிழக அரசு 1.71 கோடி ரூபாய் செலவு செய்கிறது.

''மாணவர்கள் கல்வி தரத்தை மேம்படுத்தும் வகையில், தமிழக முதல்வர் தொலைநோக்கு பார்வை வாயிலாக இத்திட்டத்தை செயல்படுத்தி வருகிறார். இதனால், மாணவ - மாணவியர் உயர்கல்வியில் சேரும் எண்ணிக்கை அதிகரித்து வருகிறது,'' என்றார்.

நிகழ்ச்சியில், திருவள்ளூர் மாவட்ட கலெக்டர் பிரபு சங்கர், திருத்தணி எம்.எல்.ஏ., சந்திரன் ஆவடி மாநகராட்சி மேயர் உதயகுமார் உள்ளிட்ட பலர் பங்கேற்றனர்.