நேற்று முன்தினம் இரவு பெய்த மழையில், பாரதிதாசன் காலனி சாலை மற்றும் குடியிருப்புகளில், மழைநீர் மீண்டும் தேங்கியது. மழைநீரை வெளியேற்றுவதற்கான மோட்டார்கள் இயக்கப்படாததால், வடிகால் அமைத்தும் தண்ணீர் வெளியேறவில்லை.

இதுகுறித்து சம்பந்தப்பட்ட அதிகாரிகளை மொபைல் போனில் தொடர்பு கொண்டபோது, யாரும் அழைப்பை ஏற்கவில்லை. இதனால் அதிருப்தியடைந்த 138வது வார்டு கவுன்சிலர் மற்றும் அப்பகுதி மக்கள், அங்கிருந்த மின்மோட்டார் அறையின் பூட்டை உடைத்து, மோட்டாரை இயக்கினர். இதையடுத்து, குடியிருப்பு பகுதிகளில் தேங்கியிருந்த மழைநீர் படிப்படியாக வடிந்தது.