1,100 கிலோ குட்கா பறிமுதல்

ஆவடி: வீராபுரம், அந்தோணி யார் நகரில் சோதனை நடத்திய ஆவடி டேங்க் போலீசார், தகர ஷீட் அறையில், 1,100 கிலோ குட்கா பதுக்கி வைத்திருந்த, உ.பி., மாநிலத்தைச் சேர்ந்த ரஞ்சித்குமார், 33, என்பவரை கைது செய்தனர். அவர், பெங்களூரில் இருந்து கன்டெய்னர் லாரியில் குட்கா கடத்தி வந்ததும், அதன் மதிப்பு, 5 லட்சம் ரூபாய் எனவும், போலீசார் தெரிவித்தனர்.

கடையில் ஊழியர் கைவரிசை

சூளைமேடு: சூளைமேடு காமராஜர் தெருவில் கிரெடிட் கார்டு கட்டணம் செலுத்தும் கடை நடத்தி வருபவர் அப்துல் கரீம், 24. கடந்த 4ம் தேதி இரவு, கடையை உடைத்து, மடிக்கணினி மற்றும் 1.50 லட்சம் ரூபாய் திருடப் பட்டிருந்தது. விசாரித்த சூளைமேடு போலீசார், திருட்டில் ஈடுபட்ட கடை ஊழியரான எம்.கே.பி., நகரைச் சேர்ந்த சரத்குமார், 32, என்பவரை கைது செய்து, 1.48 லட்சம் ரூபாய், மடிக்கணினியை பறிமுதல் செய்தனர்.