மாணவியருக்கான இப்போட்டியில், தமிழகம், பீஹார், புதுடில்லி, புதுச்சேரி உட்பட, நாடு முழுதும் இருந்து, 33 மாநில அணிகள் பங்கேற்று, 'லீக்' மற்றம் 'நாக் - அவுட்' முறையில் மோதுகின்றன.

நேற்று காலை நடந்த முதல் காலிறுதியில், தமிழகம் மற்றும் ஐ.எஸ்.எஸ்.ஓ., அணிகள் எதிர்கொண்டன. விறுவிறுப்பான ஆட்டத்தில், 59 - 58 என்ற கணக்கில், தமிழக அணி வெற்றி பெற்று, அரையிறுதிக்கு தகுதி பெற்றது.

மற்ற ஆட்டங்களில், மஹாராஷ்டிரா அணி, 56 - 40 என்ற கணக்கில் பஞ்சாப்பையும், டி.பி.எஸ்., அணி, 68 - 48 என்ற கணக்கில், கர்நாடகாவையும், சி.ஐ.எஸ்.சி.இ., அணி, 42 - 41 என்ற கணக்கில் கேரளாவையும் வீழ்த்தின. போட்டியில் வெற்றி பெற்ற நான்கு அணிகளும், அரையிறுதி ஆட்டங்களுக்கு தகுதி பெற்றுள்ளன. போட்டிகள் தொடர்ந்து நடக்கின்றன.