தினமும் சராசரியாக, 500 மெகா வாட் வரை மின் உற்பத்தி செய்யப்பட்டது. சோதனை பணிகளின் போது, தொழில்நுட்ப பிரச்னைகள் ஏற்பட்டதால், இந்தாண்டு ஜன., 31ல் மின் உற்பத்தி நிறுத்தப்பட்டது.

தொழில்நுட்ப பிரச்னை சரிசெய்யப்பட்டதை அடுத்து, வட சென்னை - 3 மின் நிலையத்தில் சோதனை மின் உற்பத்தி, நேற்று முன்தினம் முதல் மீண்டும் துவங்கியுள்ளது.

அங்கு, மின் வாரிய தலைவர் ராதாகிருஷ்ணன் நேற்று ஆய்வு செய்து, தொடர்ந்து மின் உற்பத்தி மேற்கொள்வதற்கு நடவடிக்கை எடுக்குமாறு, பொறியாளர்களை அறிவுறுத்தியுள்ளார்.

தற்போது, வட சென்னை - 3 மின் நிலையத்தில், 620 மெகா வாட் மின் உற்பத்தி செய்யப்படுகிறது.

ஒரு மின் நிலையம், 72 மணி நேரம் முழு திறனில் உற்பத்தி செய்யப்பட்டதும், வணிக ரீதியாக செயல்பாட்டிற்கு வந்ததாக அறிவிக்கப்படும்.

ஆனால், வட சென்னை - 3 மின் நிலையத்தில், சோதனை மின் உற்பத்தி துவங்கி ஓராண்டான நிலையில், இன்னும் வணிக மின் உற்பத்தி துவங்கப்படவில்லை.