உணவு வழங்கல் துறை சார்பில், சென்னையில் உள்ள 19 மண்டல உதவி ஆணையர் அலுவலகங்களில், வரும் 8ம் தேதி ரேஷன் குறைதீர் முகாம் நடக்கிறது.

காலை 10:00 மணி முதல் மதியம் 1:00 மணி வரை நடக்கும் முகாமில், ரேஷன் கார்டில் பெயர் சேர்த்தல், நீக்கல், முகவரி மாற்றம், மொபைல் போன் எண் மாற்றம் உள்ளிட்ட சேவைகள் செய்து தரப்பட உள்ளன.

ரேஷன் கடைகளின் செயல்பாடு, தனியார் அங்காடிகளில் விற்கப்படும் பொருட்கள் மற்றும் சேவை குறைபாடு தொடர்பாக, உணவு வழங்கல் துறை அதிகாரிகளிடம், பொது மக்கள் புகார் அளிக்கலாம்.