அந்த வகையில், முதலாவது மண்டலத்திற்கான இருபாலருக்கான கூடைப்பந்து போட்டி, திருவள்ளூர் மாவட்டம், கவரைபேட்டை ஆர்.எம்.கே., பொறியியல் கல்லுாரியில் நடத்தப்பட்டது.

பெண்களுக்கான முதல் அரையிறுதியில், ஆர்.எம்.டி., பொறியியல் கல்லுாரி, 20 - 12 என்ற கணக்கில் எஸ்.ஏ., பொறியியல் கல்லுாரியை தோற்கடித்தது.

மற்றொரு அரையிறுதியில் வேலம்மாள் பொறியியல் கல்லுாரி அணி, 16 - 7 என்ற கணக்கில், ஆர்.எம்.கே., பொறியியல் கல்லுாரியை தோற்கடித்தது.

நேற்று முன்தினம் நடந்த விறுவிறுப்பான இறுதிப் போட்டியில், ஆர்.எம்.டி., பொறியியல் கல்லுாரி 30 - 14 என்ற புள்ளியில், வேலம்மாள் பொறியியல் கல்லுாரியை தோற்கடித்து கோப்பையை வென்றது.

எஸ்.ஏ., பொறியியல் கல்லுாரி அணி, 22 - 20 என்ற கணக்கில், ஆர்.எம்.கே., பொறியியல் அணியை தோற்கடித்து, மூன்றாம் இடத்தை கைப்பற்றியது.