காஞ்சிபுரம் வடக்கு ஸ்ரீ சத்ய சாயி சேவா சமிதியுடன்,பம்மல் சங்கரா கண் மருத்துவமனை இணைந்து, இலவச கண்புரை அறுவை சிகிச்சை தேர்வு முகாமை, வரும், 28ம் தேதி மடிப்பாக்கம், கார்த்திகேயபுரம், 6வது தெருவில் உள்ள சமிதியில் நடத்துகின்றன.

காலை 9:00 மணி முதல் மதியம் 12:00 மணிவரை நடக்கும் இந்த முகாமில் தேர்வு செய்யப்படும் ஏழை, எளியோருக்கு உலகத்தர சான்றிதழ் பெற்ற சங்கரா கண் மருத்துவமனையில் விழிலென்ஸ் பொருத்தப்படுகிறது.

அறுவை சிகிச்சை, போக்குவரத்து வசதி, தங்கும் இடம், உணவு அனைத்தும் இலவசம். சிகிச்சை மேற்கொள்ள விரும்புபவர் ஆதார் அட்டை நகல் எடுத்து வர வேண்டும். சர்க்கரை வியாதி, ரத்த கொதிப்பு, இதய நோய் உள்ளவர்கள் மருந்து, மருந்து சீட்டு எடுத்து வர வேண்டும்.

விபரங்களுக்கு முகாம் ஒருங்கிணைப்பாளர்களின், 97109 10542, 82209 57937 ஆகிய மொபைல் எண்களை தொடர்பு கொள்ளலாம்.