தகவலறிந்த அம்பத்துார் போலீசார், அந்தோணி மாதாவின் உடலை மீட்டு, கீழ்ப்பாக்கம் அரசு மருத்துவமனைக்கு அனுப்பி வைத்து விசாரித்தனர்.

கடந்த 2021ம் ஆண்டு அந்தோணி மாதா, எஸ்.ஐ.,க்கு பயிற்சி பெற்றபோது, ரஞ்சித் குமார், 30, என்பவருடன் பழக்கம் ஏற்பட்டுள்ளது. ரஞ்சித் குமார், தற்போது மீஞ்சூர் காவல் நிலையத்தில் எஸ்.ஐ.,யாக உள்ளார்.

ரஞ்சித் குமாருக்கு ஏற்கனவே திருமணமான நிலையில், அவருடன் அந்தோணி மாதா பழகி வந்தார். இந்நிலையில், இருவருக்கும் இடையே, சில நாட்களாக கருத்து வேறுபாடு ஏற்பட்டுள்ளது.

இதனால், மன உளைச்சலில் இருந்த அந்தோணி மாதா, நேற்று முன்தினம் இரவு, ரஞ்சித் குமாருக்கு வீடியோ கால் செய்து, தான் தற்கொலை செய்து கொள்வதாக கூறி, இணைப்பை துண்டித்ததாக கூறப்படுகிறது.

ரஞ்சித் குமார், அம்பத்துார் காவல் நிலையத்தை தொடர்பு கொண்டு தெரிவிக்க, அம்பத்துார் போலீசார் சென்று பார்த்தபோது, அவர் இறந்தது தெரிந்தது.