சென்னை மாநகரின் பிரதான சாலைகளில் ஒன்றாக தி.நகர் தெற்கு உஸ்மான் சாலை உள்ளது. இச்சாலை அண்ணா சாலை மற்றும் தி.நகர், கோடம்பாக்கம் பகுதிகளை இணைக்கும் சாலையாக உள்ளது.

இச்சாலையில் எந்நேரமும் போக்குவரத்து மிகுந்து காணப்படுவதால், 131 கோடி ரூபாய் மதிப்பில் இரும்பு மேம்பாலம் அமைக்கும் பணிகள் நடந்து வருகின்றன.

இந்நிலையில், சமீபத்தில் பெய்த மழையில், சாலை குண்டும் குழியுமாக மாறி இருந்தது. இதில், தி.நகர் பேருந்து நிலையத்தில் இருந்து பேருந்துகள் வெளியே செல்லும் பகுதி படுமோசமாக இருந்தது.

இதுகுறித்து நம் நாளிதழில் செய்தி வெளியானது. இதையடுத்து, மாநகராட்சி அதிகாரிகள் அச்சாலையை ஆய்வு செய்தனர். பின், சிமென்ட் கலைவை கொட்டி சாலையில் உள்ள பள்ளங்களை சீர் செய்தனர்.