இந்திய பல்கலைகள் சங்க ஆதரவில், எஸ்.ஆர்.எம்., பல்கலை சார்பில், தென் மண்டல ஆடவர் பேட்மின்டன் போட்டி, காட்டாங்கொளத்துாரில் உள்ள எஸ்.ஆர்.எம்., பல்கலை வளாகத்தில், நேற்று நிறைவடைந்தது.

போட்டியில், தென் மண்டல அளவில், 120 பல்கலை அணிகள் பங்கேற்று, 'நாக் - அவுட்' முறையில் மோதின. முதல் அரையிறுதியில், எஸ்.ஆர்.எம்., இன்ஸ்டிடியூட் அணி, 3 - 2 என்ற செட் கணக்கில், ஆந்திரா பல்கலையை தோற்கடித்தது. மற்றொரு அரையிறுதியில், எஸ்.ஆர்.எம்., பல்கலை அணி, கோட்டயம் மகாத்மா காந்தி பல்கலையை வீழ்த்தியது.

இறுதி போட்டியில், எஸ்.ஆர்.எம்., பல்கலை, எஸ்.ஆர்.எம்., இன்ஸ்டிடியூட் அணிகள் எதிர்கொண்டன. விறுவிறுப்பான ஆட்டத்தில், 3 - 2 என்ற செட் கணக்கில் எஸ்.ஆர்.எம்., பல்கலை அணி வெற்றி பெற்று, சாம்பியன் கோப்பையை வென்றது.

மூன்றாம் இடத்திற்கான ஆட்டத்தில், மகாத்மா காந்தி பல்கலை அணி, 3 - 2 என்ற கணக்கில், ஆந்திரா பல்கலையை தோற்கடித்து வெற்றி பெற்றது.