இங்கு, தினமும் ஏராளமான பக்தர்கள் வழிபாடு செய்கின்றனர். குறிப்பாக, செவ்வாய்க்கிழமை மற்றும் கிருத்திகை தினங்களில், கூட்ட நெரிசல் அதிகம் காணப்படும்.

நேற்று செவ்வாய்க்கிழமையை முன்னிட்டு, ஏராளமான பக்தர்கள் நீண்ட வரிசையில் காத்திருந்து தரிசனம் செய்தனர்.

கோடை காலம் துவங்கி உள்ளதால், பக்தர்களின் வசதிக்காக, கோவிலில் ஆங்காங்கே சுத்திகரிக்கப்பட்ட குடிநீர் வசதி ஏற்படுத்தப்பட்டுள்ளது.

மேலும், பக்தர்களின் பாதம் காக்க தரைவிரிப்பு மற்றும் பந்தல் அமைக்கப்பட்டுள்ளது. மேலும், மலை படிக்கட்டுகளில் தண்ணீர் தெளிக்கவும் ஏற்பாடுகள் செய்யப்பட்டுள்ளதாக, கோவில் நிர்வாகத்தினர் தெரிவித்தனர்.