எஸ்.ஆர்.எம்., பல்கலை நிறுவனர் கோப்பைக்கான, கல்லுாரிகளுக்கு இடையே மாநில அளவிலான பேட்மின்டன் போட்டி, செங்கல்பட்டு மாவட்டம், காட்டாங்கொளத்துார் எஸ்.ஆர்.எம்., பல்கலையில் நடந்தது. சென்னை, கோவை உட்பட பல மாவட்டங்களைச் சேர்ந்த வீரர் - வீராங்கனையர் பங்கேற்றனர்.

இதன் அரையிறுதி போட்டியில் வள்ளியம்மை பொறியியல் கல்லுாரியை 2 - 0 என்ற செட் கணக்கில் வீழ்த்திய எஸ்.ஆர்.எம்., ஆண்கள் அணி, இறுதி போட்டியில் குருநானக் கல்லுாரி அணியுடன் மோதியது.

விறுவிறுப்பான இந்த ஆட்டத்தில் அசத்திய எஸ்.ஆர்.எம்., அணி 2 - 1 என்ற செட் கணக்கில், குருநானக் கல்லுாரி அணியை வீழ்த்தி, சாம்பியன் பட்டத்தை வென்றது.

அதேபோல் பெண்கள் பிரிவுக்கான இறுதி போட்டியில் செயின்ட் ஜோசப் கல்லுாரி அணி, எஸ்.ஆர்.எம்., பல்கலை பெண்கள் அணியை எதிர்த்து மோதியது.

இதில், செயின்ட் ஜோசப் கல்லுாரி அணி 2 - 1 என்ற செட் கணக்கில், எஸ்.ஆர்.எம்., அணியை வீழ்த்தி, சாம்பியன் பட்டத்தை கைப்பற்றியது.