இதில், 23 அணிகள் பங்கேற்றன. அதன்படி, 19 வயதுக்குட்பட்ட மாணவர்களுக்கான போட்டியில், கோடம்பாக்கம், ஜெய்கோபால் கரோடியா பள்ளியுடன் இறுதிப்போட்டியில் மோதிய, கத்திவாக்கம் அரசு மேல்நிலைப் பள்ளி மாணவர் அணி, 35 - 15, 35 - 30 என்ற புள்ளிக்கணக்கில் முதலிடம் பிடித்தது.

அதேபோல், 17 வயதுக்குட்பட்ட மாணவர்களுக்கான போட்டியில், போரூர், டான் பாஸ்கோ பள்ளியுடன் இறுதி போட்டியில் மோதிய, கத்திவாக்கம் அரசு மேல்நிலைப் பள்ளி மாணவர் அணி, 35 - 17, 35 - 18 என்ற புள்ளிக்கணக்கில் முதலிடம் பிடித்தது.

இரு பிரிவுகளிலும் முதலிடம் பிடித்த, கத்திவாக்கம் அரசு பள்ளி மாணவர்கள், மாநில போட்டிக்கு தகுதி பெற்றுள்ளனர்.