பள்ளி கல்வித் துறை சார்பில், 2025 - 26ம் கல்வியாண்டிற்கான மாநில அளவிலான பாரதியார் தினம் மற்றும் குடியரசு தின சாம்பியன்ஷிப் போட்டி நடக்கிறது.

இப்போட்டி, சென்னை வேளச்சேரியில் உள்ள தமிழ்நாடு விளையாட்டு மேம்பாட்டு ஆணையத்தின் நீச்சல் குள வளாகத்தில் அமைந்துள்ள ஜிம்னாஸ்டிக்ஸ் அரங்கில், நாளை துவங்குகிறது.

மாணவியருக்கான போட்டி, 13 மற்றும் 14ம் தேதிகளிலும், ஆடவருக்கான போட்டி 15 மற்றும் 16ம் தேதிகளிலும் நடைபெற உள்ளன.

இதில், மாநிலத்தின் 300க்கும் அதிகமான வீரர் - வீராங்கனையர், 14, 17, 19 வயதுக்கு உட்பட்டோர் என, மூன்று வயது பிரிவுகளில் போட்டியிடுகின்றனர்.

ஆடவருக்கு டேபிள் வால்ட், பேலன்ஸ் பீம் உட்பட ஆறு போட்டிகளும், மகளிருக்கு நான்கு போட்டிகளும் இதில் இடம்பெற்றுள்ளன.