பின், மக்கள் நல்வாழ்வு துறை அமைச்சர் சுப்ரமணியன் அளித்த பேட்டி:

இந்த மனநல சேவை மையம் 24 மணி நேரமும் செயல்படும். இவற்றில், மனநல மருத்துவர்கள், மருத்துவ உதவியாளர்கள், ஆற்றுப்படுத்துனர்கள் ஆகியோர் இடம் பெற்றுள்ளனர்.

கடந்த 2022ல் துவக்கப்பட்டு, மக்களிடம் வரவேற்பு கிடைத்துள்ளது. இதுவரை 40,000த்துக்கும் மேற்பட்டோர் மனநல ஆலோசனை பெற்று உள்ளனர்.

இதில், 70 சதவீத அழைப்புகள் 18 முதல் 40 வயதுக்கு உட்பட்டவர்களிடம் இருந்து வந்துள்ளது. குறிப்பாக, மன உளைச்சல், அதீத மனக்கவலை, உறவு சார்ந்த சிக்கல்கள் மற்றும் இதர உளவியல் பிரச்னைகள் சார்ந்த அழைப்புகள் அதிகம் வந்துள்ளன.

இதற்காக, மத்திய அரசின் விருதையும் பெற்றுள்ளோம். இதன் இரண்டாவது பிரிவு துவங்கப்பட்டுள்ளது. கீழ்ப்பாக்கம் அரசு மனநல காப்பாகத்தில், 25 மனநல டாக்டர்கள், ஆண்டுக்கு 18 என, 54 முதுநிலை மருத்துவ மாணவர்கள், மூன்று உளவியலாளர்கள் மற்றும் 10 முதுகலை உளவியல் மாணவர்கள் கொண்டு செயல்பட்டு வருகிறது.

இந்த மனநல காப்பகம், தமிழ்நாடு மனநல மற்றும் நரம்பியல் அறிவியல் நிறுவனமாக, மாநில அளவில் தரம் உயர்த்தப்பட உள்ளது.

இதேபோல், 104 மருத்துவ சேவை மையத்தில், 'நீட்' தேர்வு எழுதும் மாணவர்கள், பொறியியல் மற்றும் கலைக்கல்லுாரி மாணவர்களுக்கு மனநல ஆலோசனைகள் வழங்கப்பட்டு, தற்கொலை மேற்கொள்ளும் எண்ணம் தடுக்கப்பட்டு வருகிறது.

இவ்வாறு அவர் கூறினார்.