இந்நிலையில், இந்த குளத்தைச் சுற்றியுள்ள குடியிருப்பில் இருந்து வெளியேறும் கழிவுநீர், நேரடியாக குளத்தில் கலக்கிறது.

இதனால், குளம் முழுதும் கழிவுநீர் தேங்கி, கருமையான நிறத்தில் காட்சியளிப்பதோடு, துர்நாற்றம் வீசுகிறது.

இதனால், அப்பகுதியின் நிலத்தடி நீர் மாசடைவதோடு, கொசு உற்பத்தி அதிகரித்துள்ளது.

மேலும், பொதுமக்கள் நடைபயிற்சி செல்ல முடியாத நிலை உள்ளது. கழிவுநீர் கலப்பதை தடுத்து, குளத்தைச் சுற்றி பூங்கா, சிறுவர் விளையாட்டு சாதனங்கள், இருக்கைகள் உள்ளிட்ட வசதி ஏற்படுத்த வேண்டும் என, பகுதிவாசிகள் தெரிவித்தனர்.