இப்போட்டியில், ஐ.சி.எப்., - தெற்கு ரயில்வே, தமிழக போலீஸ், ஜி.எஸ்.டி., உள்ளிட்ட மொத்தம் 14 சீனியர் அணிகள் பங்கேற்றுள்ளன. நேற்று மாலை நடந்த முதல் போட்டியில், எஸ்.பி.ஐ., வங்கி அணி, 4 - 1 என்ற கோல் கணக்கில், சென்னை சிட்டி போலீஸ் அணியை தோற்கடித்தது.

மற்றொரு போட்டியில், தமிழக போலீஸ் மற்றும் அடையாறு ஹாக்கி கிளப் அணிகள் மோதின. விறுவிறுப்பான ஆட்டத்தில், 8 - 1 என்ற, ஏழு கோல்கள் வித்தியாசத்தில், தமிழக போலீஸ் அணி வெற்றி பெற்றது.

அணியில், ஜெயராமகிருஷ்ணன், கலிவரதன், மதன், காளிராஜ் ஆகியோர் தலா ஒரு கோலும், பாலமுருகன், சுரேந்திரன், தலா இரண்டு கோல்களை அடித்து வெற்றிக்கு கைகொடுத்தனர்.