அப்போது, லாரியின் பின்பக்க சக்கரங்கள், சாலையோரத்தில் இருந்த பள்ளத்தில் சிக்கி, லாரி லேசாக சாய்ந்தது. இதனால், சி.டி.எச்., சாலையில் சிறிது நேரம் போக்குவரத்து நெரிசல் ஏற்பட்டது. ஒரு மணி நேர போராட்டத்துக்கு பின், லாரி அப்புறப்படுத்தப்பட்டது.

இது குறித்து கனரக வாகன ஓட்டுநர்கள் கூறுகையில், 'அம்பத்துார் போக்குவரத்து போலீசார், சி.டி.எச்., சாலையில் டன்லப் சிக்னல் அருகே தடுப்புகள் அமைத்துள்ளனர். இதனால், கனரக வாகனங்கள் 'யு -- டர்ன்' செய்வதில் சிரமம் ஏற்படுகிறது. எனவே, டன்லப் சிக்னல் அருகே உள்ள தடுப்புகளை அகற்ற வேண்டும்' என்றனர்.