குன்றத்துார் அருகே மாங்காடில், காமாட்சி அம்மன் கோவில் உள்ளது. இங்கு, தைப்பூசத்தை முன்னிட்டு, தெப்பத் திருவிழா மூன்று நாட்கள் நடப்பது வழக்கம்.

இந்த ஆண்டு தெப்பத் திருவிழா, நேற்று துவங்கியது. அலங்கரிக்கப்பட்ட தெப்பத்தில், மாலை 6:30 மணிக்கு வெள்ளீஸ்வரரும், 7:30 மணிக்கு காமாட்சி அம்மனும் எழுந்தருளி, குளத்தை சுற்றி வலம் வந்தனர்.

தொடர்ந்து, இரவு 8:30 மணிக்கு, சிம்ம வாகனத்தில் காமாட்சியம்மன் வீதி உலா சென்று, பக்தர்களுக்கு அருள்பாலித்தார்.