கிண்டி தொழிற்பேட்டையில் இருசக்கர வாகனத்தில் வந்த மூன்று பேரை, கிண்டி போலீசார் மடக்கி விசாரித்தனர். அவர்கள் வைத்திருந்த பையை சோதனை செய்தபோது, அதில் போதைப் பொருட்கள் இருந்தன.

அவர்களிடம் விசாரித்ததில், தி.நகரைச் சேர்ந்த சரண், 23; பரமேஸ்வரன், 21; சரவணன், 21; என்பது தெரிந்தது.

அவர்களை கைது செய்த போலீசார், அவர்களிடம் இருந்து, 6 கிலோ கஞ்சா மற்றும் 300 போதை மாத்திரை களை பறிமுதல் செய்தனர்.