இதையொட்டி, அன்று காலை, 6:00 மணி முதல் 10:00 மணி வரை, மெரினாவில் போக்குவரத்து மாற்றங்கள் செய்யப்பட உள்ளன.

 உழைப்பாளர் சிலை - ராஜாஜி சாலையில் உள்ள ரிசர்வ் வங்கி சுரங்கப்பாலம் வரையிலான சாலைகள் மற்றும் கொடி மரச்சாலைகளில் வாகனங்கள் செல்ல தடை விதிக்கப்படும்

 காமராஜர் சாலையில் இருந்து ராஜாஜி சாலை வழியாக பாரிமுனை செல்லும் வாகனங்கள், வாலாஜா சாலையில் திரும்பி அண்ணாசாலை - மன்றோ சிலை - முத்துசாமி பாலம் வழியாக செல்லலாம்

 ராஜாஜி சாலையில் இருந்து தலைமை செயலகம் வழியாக காமராஜர் சாலை நோக்கி வரும் வாகனங்கள், என்.எப்.எஸ்.,சாலை, ராஜா அண்ணாமலை மன்றம் - முத்துசாமி பாலம் - அண்ணாசாலை - வாலாஜா சாலை வழியாக காமராஜர் சாலை செல்லலாம்

சுதந்திர தின விழாவுக்கான 'பாஸ்' வழங்கப்பட்ட வாகனங்களுக்கு அனுமதிக்கப்பட்ட வழித்தடங்கள் மற்றும் நிறுத்தங்கள்:

 சிவப்பு மற்றும் ஊதா நிற பாஸ் வழங்கப்பட்ட வாகனங்கள், காலை 8:30 மணிக்கு முன் ராஜாஜி சாலை சென்று, தலைமைச் செயலக நுழைவாயில் அருகே விருந்தினர் இறங்கிய பின், வாகனங்களை உள்ளே நிறுத்த வேண்டும்

 காலை, 8:30 மணிக்கு பிறகு வரும் அழைப்பாளர்களின் வாகனங்கள் உழைப்பாளர் சிலையில் இருந்து வாலஜா சாலை - அண்ணாசாலை - முத்துசாமி பாயிண்ட் - ராஜா அண்ணாமலை மன்றம் - என்.எப்.எஸ்.,சாலை - ரிசர்வ் வங்கி சுரங்கப்பாலம் வழியாக, தலைமை செயலகத்தின் வெளிப்புற வாயிலை அடைய வேண்டும்

 நீலம் மற்றும் இளஞ்சிவப்பு நிற பாஸ்கள் வழங்கப்பட்ட அனைத்து வாகனங்களும் தலைமைச் செயலகத்திற்கு எதிரே உள்ள பொதுப்பணித்துறை மைதானத்தில் வாகனங்களை நிறுத்த வேண்டும்.

போக்குவரத்து மாற்றங்களுக்கு, வாகன ஓட்டிகள் ஒத்துழைப்பு நல்குமாறு காவல் துறையினர் கேட்டுக் கொண்டு உள்ளனர்.