நேற்று காலை, கடை அருகே உள்ள மின்மாற்றியில் இருந்து தீப்பொறி விழுந்து, கடையில் உள்ள பழைய பொருட்கள் கொழுந்து விட்டு எரிந்தன.

தகவலின்படி சம்பவ இடத்திற்கு வந்த பூந்தமல்லி தீயணைப்பு வீரர்கள், அரை மணி நேரம் போராடி தீயை அணைத்தனர். இந்த தீ விபத்தில், 10,000 ரூபாய் மதிப்புள்ள பழைய பொருட்கள் தீக்கிரையாகின. திருவேற்காடு போலீசார் விசாரிக்கின்றனர். இதே கடையில், கடந்த ஆக., மாதம் 27ம் தேதி, குப்பை எரிந்து தீ விபத்து ஏற்பட்டது குறிப்பிடத்தக்கது.