'ட்ரை டு சாம்ப்' அமைப்பு மற்றும் தமிழ்நாடு நீச்சல் சங்கம் சார்பில், 'அக்வாபெஸ்ட் 25 - சென்னை' எனும் டிரையத்லான் கடல்சார் போட்டியின் நான்காவது பதிப்பு, சென்னை மற்றும் கோவளத்தில் வரும் 15ம் தேதி நடக்கிறது.

இதில் நாடு முழுதும் இருந்து சிறந்த வீரர் - வீராங்கனையர் பங்கேற்க உள்ளனர். நீச்சல், சைக்கிளிங், ஓட்டப்பந்தயம் ஆகிய போட்டிகள், காலை 6:00 மணிக்கு துவங்கி, அன்று முழுதும் நடக்கும்.

டிரையத்லான், அக்வாத்தலான், மாரத்தான் உட்பட பல்வேறு பிரிவுகளில், போட்டிகள் நடக்க உள்ளன. டிரையத்லான் நீண்ட துாரப் போட்டி, தனிநபர் பிரிவில், ஒரு நபர் 1.9 கி.மீ., நீச்சல்; 90 கி.மீ., சைக்கிளிங்; 21 கி.மீ., ஓட்டம் என, மொத்தம் 113 கி.மீ., பந்தயத்தை 8:00 மணி நேரத்திற்குள் முடிக்க வேண்டும்.

இதே போல் 51.5 கி.மீ., மற்றும் 30.5., கி.மீ., என மூன்று பிரிவுகளாக போட்டிகள் நடக்க உள்ளன. தவிர, ஒலிம்பிக் டிஸ்டன்ஸ் நீச்சல் மற்றும் சைக்கிளிங் போட்டிகளும் நடக்கின்றன.