தி.நகரில் இயங்கி வந்த லட்சுமி கிளாசிக் ஹோம்ஸ் நிறுவனம், 2019 முதல் 2021ம் ஆண்டு வரை செயல்பட்டு வந்தது. இந்நிறுவனம், பொதுமக்களிடம் வீட்டுமனைகள் தருவதாக 24 பேரிடம், 3.71 கோடி ரூபாயை ஏமாற்றியது.

இதுகுறித்த புகாரில், 2021ல் அந்நிறுவனம் மீது வழக்கு பதிவு செய்யப்பட்டது. விசாரணை நடந்து வந்த நிலையில், அந்நிறுவனத்தின் இயக்குநர்கள் அம்சவேணி, அவரது சகோதரி ஸ்ரீ லட்சுமி ஆகியோர், நேற்று முன்தினம் கைது செய்யப்பட்டனர்.

இந்நிறுவனத்தில் பாதிக்கப்பட்டோர் இருந்தால், பொருளாதார குற்றப்பிரிவு இன்ஸ்பெக்டர் தமிழ்செல்வி 70100 60776 என்பவரை தொடர்பு கொண்டு புகார் அளிக்கலாம்.

இதேபோல், வேறு நிதி நிறுவனங்களில் முதலீடு செய்து பாதிக்கப்பட்டிருந்தால் அசோக் நகரில் உள்ள பொருளாதார குற்றப்பிரிவில் நேரிலோ, 1800 5990 050, 044 - 2250 4332 ஆகிய எண்களில் புகார் அளிக்கலாம் என, பொருளாதார குற்றப்பிரிவு போலீசார் தெரிவித்துள்ளனர்.