இந்த நிலையில், வாடிக்கையாளர் ஒருவர் ஆட்டோவிற்கு பயன்படுத்தும், 5 கிலோ எடையிலான பழைய காலி காஸ் சிலிண்டரை, எடைக்கு போட்டு, பணம் பெற்று சென்றுள்ளார்.

இதை, மோகன், அர்ஷத் மைதீன் உதவியுடன், நேற்று முன்தினம் இரவு கட்டிங் மிஷினால் உடைக்க முயன்றார். அப்போது எதிர்பாராதவிதமாக பலத்த சத்தத்துடன் தீப்பிடித்து எரிந்தது. கடை முழுதும் தீ பரவியதால் பொருட்களும் தீப்பிடித்து எரிந்தன.

இந்த விபத்தில், அர்ஷத் மைதீன் மற்றும் மோகன் ஆகியோர் பலத்த தீக்காயம் அடைந்தனர். சாலையில் சென்ற அதே பகுதியைச் சேர்ந்த ராஜேஷ், 47, என்பவர் மீதும், லேசான தீக்காயம் ஏற்பட்டது.

வில்லிவாக்கம் போலீசார் மூவரையும் மீட்டு, கீழ்ப்பாக்கம் அரசு மருத்துவமனையில் அனுமதித்தனர். கடையின் உரிமையாளர், ஊழியர் இருவரும் 55 சதவீத தீக்காயத்துடன் சிகிச்சை பெற்று வருகின்றனர்.

விபத்து குறித்து வில்லிவாக்கம் போலீசார் விசாரிக்கின்றனர்.