போட்டியில், தமிழகம் உட்பட தென் மண்டல அளவிலான 100க்கும் மேற்பட்ட பல்கலை அணிகள் பங்கேற்று, 'நாக் - அவுட்' முறையில் மோதி வருகின்றன.

நேற்று காலை நடந்த நாக் அவுட் சுற்றில், எஸ்.ஆர்.எம்., பல்கலை அணி, தக்ஷஷிலா பல்கலை அணிகள் மோதின. இதில், 34 - 11 என்ற புள்ளிக்கணக்கில் எஸ்.ஆர்.எம்., அணி வெற்றி பெற்றது.

மற்றொரு ஆட்டத்தில் சென்னை பல்கலை அணி மற்றும் அண்ணாமலை பல்கலை அணிகள் மோதின. துவக்கம் முதலே அசத்தலான ஆட்டத்தை வெளிப்படுத்திய, சென்னை பல்கலை அணி, 42 - 28 என்ற புள்ளிக்கணக்கில் வெற்றி பெற்றது.

எம்.எஸ்., பல்கலை அணி 38 - 29 என்ற கணக்கில், வேலுார் வி.ஐ.டி., பல்கலையும், கற்பகம் பல்கலை அணி, 34 - 29 என்ற கணக்கில் உஸ்மானியா பல்கலையையும் வீழ்த்தின.

மீனாட்சி அகாடமி அணி, 40 - 33 என்ற புள்ளிக்கணக்கில், பெங்களூரு ராஜிவ் காந்தி பல்கலை தோற்கடித்தது. போட்டிகள் தொடர்ந்து நடக்கிறது.